Маңғыстауда 5 жедел жәрдем көлігі сатып алынды

Маңғыстау облысының денсаулық сақтау саласы 5 жедел жәрдем көлігімен толықты. Оның екеуі медициналық авиация көлігі болса, үшеуі жедел-жәрдем автокөлігі, деп хабарлайды mangystaumedia.kz облыстық денсаулық сақтау басқармасының баспасөз қызметіне сілтеме жасап.

Өңір халқының медициналық шақыртуларын уақтылы жүзеге асыру үшін аймақта барлығы 51 бригада және медициналық авиациясынан 2 бригада қызмет атқарып келеді. Енді олардың қатары 5 жаңа автокөлікпен толығып отыр.

Заманауи автокөліктер науқасқа алғашқы көмек көрсетуге арналған қажетті құралмен-жабдықтармен қамтамасыз етілген. Көлікте қосымша реанимациялық бағыттағы, яғни, инсульт алғандарға, жүрек талмасына шалдыққандарға жылдам көмек көрсету үшін арнайы медициналық құрал-жабдықтың барлық түрі орнатылған.

Медициналық жедел жәрдем көліктері АҚ «Өнеркәсіпті дамыту қоры» лизингі бойынша 5 жаңа санитарлық автокөлігі сатып алынды.

Аталған жедел-жәрдем машиналары өңір тұрғындарының жедел жәрдем шақыртуларына бөлінді. «Hyundai H-350» маркалы 2 санитарлық автокөлік медавиация бөлімшесіне, «Jac Sanray» маркалы автокөлік Актау бөлімшесіне, Жаңаөзен және Мұнайлы жедел жәрдем бөлімшесіне табысталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.