Ақтау қаласында «Қорған – 2024» акциясы аясында қоғамдық рейд жүргізілді, - деп хабарлайды mangystaumedia.kz.
Іс-шараның мақсаты - қаладағы шағынаудандар ішіндегі есірткі жарнамаларын түбегейлі өшіру.
«Біз спорт үшін, есірткіге қарсымыз» қоғамдық қорының өкілі Қанат Джакесов әуелі мұндай жарнамалар салынған жерлерді іздеп, бақылағанын айтады. Ал тамыздың он бірі күні қордың еріктілері мен қоғам белсенділері 8,12,26,28,29-шағынаудандарында үй қабырғалары мен іргетастарындағы сызбаларды өшірді.
- Қала тұрғындары қабырғадағы жазудың мағынасын түсінбеуі мүмкін. Кейде бұл жай ғана балалардың тентектігі деп біледі. Алайда кей жазбалардың астында жасырын қауіп-қатер барын да білуіміз қажет. Жазбаларды толықтай жоюға күш салдық. Сонымен қатар, жолда кездескен шағынаудан жастарына есірткіге қарсы түсіндірме жұмыстарын жүргіздік. Біздің болашағымыз - жастар. Ал бізге дені сау ұрпақ қажет, -деді Қанат Джакесов.
Айта кетейік, іс-шара жастар саясаты мәселелері жөніндегі басқармасының тапсырысымен жүзеге асырылып жатқан «Есірткісіз Маңғыстау жобасы» аясында жүргізіліп жатыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
