Елімізде өтіп жатқан ҚР Парламенті мәжілісінің және жергілікті мәслихаттардың депутаттарын сайлаудың мән-маңызы халық үшін ерекше. Ақтау қаласындағы 15 орта мектепте орналасқан 33 сайлау учаскесінде сайлауға келуші жұртшылық қарасы көп. Республика партиясының бақылаушысы Салима Баубекова халықтың осы сайлаудан үлкен үміт күтетінін айтып, дауыс беру заң талаптарына сәйкес тәртіппен жүріп жатқанын жеткізді.
- Елімізде үлкен демократиялық үдерістер жүріп жатыр. Сайлауға деген қызығушылық өте жоғары. Халықтың көпшілігі сайлаудан кейінгі өзгерістер қазақстандықтардың тұрмысының бұдан да жақсарту түсуге әсер ететініне сенімді. Сайлау жақсы деңгейде өтіп жатыр. Бақылаушы ретінде біздің басты миссиямыз – өзіміз көрген фактілерді айту. Сайлауға жақсы дайындық жасалған. Мен өз учаскемдегі тыныш, ұйымдасқан атмосфераға ризамын. Ешқандай заң бұзушылықтар мен жанжалды жағдайлар байқалған жоқ. Жергілікті жердегі өзге де бақылаушылармен әңгімелестім. Олар да сайлаудың өту барысына жоғары баға беріп жатыр. Сайлау заңды тәртіпке сай аяқталады деген сенімдеміз - дейді бақылаушы Салима Салауатқызы.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
