12 тамыз - халықаралық жастар күніне орай «№7-спикер» интеллектуал конференциясы өтті. Бұл туралы Қоғамдық коммуникация орталығы облыстық жастар саясаты мәселелері жөніндегі басқармасының баспасөз қызметіне сілтеме жасай отырып, хабарлайды mangystaumedia.kz.
Іс шараны ұйымдастырушы, «Риза Ана» қоғамдық қорының директоры Айжамал Тлемисованың айтуынша жобаның негізгі мақсаты мығым жастарды жаңа белесті бағындыруға, үздіксіз білім алуға шабыттандыру.
Конференцияда Маңғыстау облысы әкімінің орынбасары Аббат Өрісбаев қатысушыларды мерекемен құттықтады.Сондай-ақ, еліміздің түкпір-түкпірінен келген спикерлер жастарға бағыт-бағдар берді. Шолпан Түсіпбекова - стратег, қаржы бойынша эксперт. Ол жастарға рухани байлық, имандылық және бизнес тақырыбында сөз сөйледі.Әсел Төлеуғалиева қазіргі таңдағы өзекті мәселе лудомания, несие жайында сөз қозғады.Тимур Бектұр - IT сарапшы. Ол қарыштап жатқан заманда бос отыруға болмайтындығы туралы айтты.Ал Халықаралық «Алаш» әдеби сыйлығының лауреаты, ҚР Ақпарат саласының үздігі, Қазақстан Жазушылар және Журналистер Одағының мүшесі,Бейнеу ауданының құрметті азаматы Рахат Қосбармақ қазіргі таңдағы салт-дәстүрде жіберетін қателіктер туралы баяндады.Қатысушылар паралимпиада құрамасының мүшесі, мотивациялық спикер, «Шапағат» мемлекеттік наградасының иегері Айсұлу Сүлейменованың өмірбаянын тыңдап, жігерленді.Ал Гарвард университетінің түлегі, «Mazmundama» жобасы мен «Coffee Book» кітап кафесі желісінің негізін қалаушы Шыңғыс Мұқанның сөздерінен жастар шабыт алып, қарапайым ауылдың азаматы да шет елде оқып, биік белестерді бағындыра алатынына көзі жетті. Айбек Имашев - Халықаралық дәрежедегі спорт шебері,
ҚР дзюдо федерациясының атқарушы директоры. Ол «Спорт - денсаулық кепілі» тақырбында сөз сөйлеп, жастарды ұдайы спортпен шұғылдануға шақырды.
Айта кетейік, аталған іс-шара Маңғыстау облыстық жастар саясаты мәселелері жөніндегі басқармасының жас мамандар кеңесі жобасы аясында жүзеге асуда.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
