Ақтауда сайлау учаскелерінің алдында азық-түлік жәрмеңкесі өтеді

Ақтауда 31 наурыз күні мәслихат депутаттарын сайлау учаскелерінде азық-түлік жәрмеңкесі ұйымдастырылады, деп хабарлайды mangystaumedia.kz қала әкімдігінің баспасөз қызметіне сілтеме жасап.

Депутаттарды сайлау қаладағы №13, №14 және №20 округтерде өтеді. Жәрмеңке аталған округтерге қарасты учаскелерде ұйымдастырылады. Жәрмеңкеге қаладағы 8 кәсіпкер қатысады.

Жәрмеңке өтетін мына мекен-жай:

-26 ш/а, №14 жалпы білім беретін мектебі;
-27 ш/а, «Ақтау техникалық қызмет көрсету колледжі»;
-27 ш/а, №16 жалпы білім беретін мектебі;
-28а ш/а, №23 жалпы білім беретін мектебі;
-33 ш/а, «Маңғыстау Арена» спорт кешені;
-34 ш/а, «№19 мектеп-гимназиясы»

-Жәрмеңкеде ет және сүт өнімдері, көкөністер мен жеміс-жидектер сатылады. Азық-түліктер нарықтағы бағадан төмен болады деп жоспарланып отыр. Сондай-ақ, сайлау округтеріне қарасты учаскелерде қолөнер жәрмеңкесі де ұйымдастырылады. Барша қала тұрғындарын жәрмеңкеге шақырамыз, - деді Ақтау қалалық кәсіпкерлік және ауыл шаруашылығы бөлімі басшысының орынбасары Оспан Нысан.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.