Ақтауда полиция қызметкері жол апатына себепкер болды

Ақтауда әуежайға баратын жолда патрульдік полицияның қызметтік көлігі жол апатына ұшырады, деп хабарлайды mangystaumedia.kz.

Оқиға куәгерлерінің сөзінше, полицияға тиесілі «Toyota Avalon» көлігі жол үстінде аударылып қалған. Оқыс жағдай Ақтау халықаралық әуежайына шыға беріс жолда тіркеліп отыр. Осыған қатысты Маңғыстау облыстық полиция департаменті оқиғаға қатысты пікір білдіріп, патрульдік қызметкердің кінәлі екенін растады.

«Патрульдік полиция батальонының инспекторы өзі мінген көлікті басқара алмай, «Опель Астра» көлігіне соғылды. Жол-көлік оқиғасының нәтижесінде полиция қызметкері облыстық ауруханаға жеткізіліп, алғашқы көмек көрсетілгеннен кейін үйіне жіберілді. Оқиғаға кінәлілер әкімішілік жауапкершілікке тартылды», - деді ПД баспасөз қызметіндегілер.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.