Ақтауда құжатсыз жүргізуші көлікті мас күйінде басқарған

Патрульдік полиция батальонының қызметкерлері 11-12 шағынаудандар арасындағы жолда «Мицубиси лансер» көлігін тоқтатты. Тексеру барысында 40 жастағы жергілікті тұрғынның жүргізуші куәлігі жоқ екені және көлікті мас күйінде басқарғаны анықталды, - деп хабарлайды mangystaumedia.kz аймақтық ПД-ға сілтеме жасап.

Сондай-ақ жүргізуші 2019 жылы көлік жүргізу құқығынан үш жылға айырылғаны белгілі болды.

Аталған дерек Қазақстан Республикасы Қылмыстық кодексінің 346-бабы (Көлiк құралдарын басқару құқығынан айырылған және алкогольдiк, есiрткi және (немесе) уытқұмарлық масаң күйде болған адамның көлiк құралын басқаруы, сондай-ақ өзге де құқық бұзушыны басқаға беруi) бойынша тіркелді.

Бұл бап бойынша жүргізуші 5000 АЕК көлемінде айыппұл төлейді немесе 5 жылға дейін бас бостандығынан айырылады. Басқа мәліметтер тергеу мүддесі үшін жарияланбайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.