Депутаттар аурухана жағдайымен танысты

©

Маңғыстау облыстық мәслихат депутаты Ахмет Салманов бастаған «Нұр Отан» партиясы сайлауалды бағдарламасының денсаулық бағыты бойынша құрылған сараптамалық комиссия мүшелері облыстық аурухана мен перзентханаға барды.

"Нұр Отан" партия­сы сайлауалды бағ­дарламасының ден­саулық бағыты бойынша са­раптамалық комиссия мүшелері денсаулық саласына қарасты меке­мелердің халыққа қызмет көрсету сапасына мониторинг жүргізді.

Мониторингке сараптамалық ко­миссия басшысы, облыс әкімінің кеңесшісі және «Нұр Отан» фрак­циясындағы облыстық мәслихат депутаты Ахмет Салманов, «Нұр Отан» партиясы Маңғыстау об­лыстық филиалының қоғамдық қабылдау бөлімінің меңгерушісі Мұхамбек Жайлыбаев, облыстық филиалдың ұйымдастыру­-бақы­лау бөлімінің меңгерушісі Свет­лана Джулдасова және облыстық денсаулық сақтау басқармасының қызметкерлері қатысты.

Мониторинг жүргізілген меке­мелердің бірі Ақтау қаласы 26 ­шағынауданда орналасқан Маңғыстау об­лыстық перзентханада өңір тұр­ғындарынан ешқандай шағым жоқтығы анықталды. Алайда пер­зентханада заманауи техникалық аппараттардың жетіспеуі салд­арынан кедергілер болып тұра­тындығы айтылды.

– Орталыққа күніне 40­-50 әйел келіп босанады. Аймақта бала са­нының өсімі басқа облыстармен салыстырғанда өте жоғары. Мә­селен, күніне қырықтан аса әйел келіп түссе, босанып алған қыры­ғы шығарылады. Біздің орталықта әзірше екі­-үш қана УДЗ аппараты бар, олардың қолданысқа енгеніне алты жылдан асты. Өткен жылы 200 ақауы бар бала дүниеге кел­се, биылдың өзінде соңғы алты айда 163 баланың ақауы болған. Осындай келеңсіз жағдайларды анықтап, алдын алу үшін облысқа волюсон Е­-10 УДЗ аппаратынан 16 дана қажет, – деді перзентхананың бас дәрігері Жамал Жаманбаева.

Бас дәрігер УДЗ аппараттары­ның жетіспеушілігімен қатар, кейбір дәрігер мамандардың да орталыққа қажеттігін атап өтті. Мониторинг жүргізген облыстық мәслихат депутаты Ахмет Сал­манов бас дәрігердің мұқтажын облыс әкімі орынбасары Руслан Сакеевке жеткізген.

Облыс әкімі орынбасары Рус­лан Сакеев жыл соңына дейін 16 УДЗ аппаратын қажет еткен ауруханаларға жеткізіліп, толық қамтамасыз етіледі деп уәде етті, – деді Ахмет Өтегенұлы.

Зухра ӘБДІЛ-САТТАР

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.