Маңғыстаулық мешіттер бес айда 1 460 адамға көмек берген

Маңғыстауда мешіт қызметкерлері діни рәсімдерден бөлек қайырымдылық шаралар да ұйымдастырып келеді. Жыл басынан бері бес айдың ішінде облыс бойынша 1 460 адамға көмек берілген. Бұл туралы бүгін өңірлік коммуникациялар қызметінде өткен баспасөз жиынында айтылды. Журналистермен кездесуге ҚМДБ-ның Маңғыстау облысы бойынша өкіл имамы Смайыл Сейтбеков пен Маңғыстау облыстық мешітінің наиб имамы Қажымұқан Елжанов қатысты.

Мұсылман үшін айлардың қадірлісі саналатын қасиетті Рамазан айында мешіттер мен «Зекет» қорының облыстағы өкілдігі бірлесе отыра, 649 адамды азық-түлік пен қамтамасыз еткен.

"Оның қаржылай құны 3 770 000 (үш миллион жеті жүз жетпіс мың) теңгені құрады. Сонымен қатар, зекет есебінен 47 адамға 1 492 000 (бір миллион төрт жүз тоқсан екі мың) теңге қаржылай үлестірілді", - деп мәлімдеді С. Сейітбеков.

Маңғыстаудағы діни ахуалдың тұрақтылығын сақтау мақсатында мешіттерде жыл басынан бері ұдайы уағыз-насихат жұмыстарын жүргізген. Сонымен қатар, Маңғыстау облыстық дін істері басқармасымен бірлесе отырып мекемелер мен оқу орындарында ақпараттық түсіндіру шаралары жүргізді. Бес ай ішінде 75 мыңға жуық адамды қамтыған 1 698 уағыз-насихат жүргізілген.

Камшат ОҢҒАЛТАЙ,

Суретті түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.