Руханият мәйегі

©

18 мамыр – Халықаралық музей күні Маңғыстау облыстық тарихи-өлкетану музейінде өткен облыстық мәдениет басқармасының алқа кеңесінің мәжілісі «Рухани жаңғыру» бағдарламасының мәдениет саласында жүзеге асуына арналды. Жиынға облыс әкімінің орынбасары Мақсат Сқақов, облыстық мәдениет басқармасының басшысы Пәния Сармурзина, алқа кеңесінің мүшелері, аудан әкімдерінің орынбасарлары, мәдениет ошақтарының басшылары қатысты.

- Руханияттың туын көк­ке көтеріп, тарихымыз­ды, шежіремізді, ұлттық құндылықтарымызды сақтау, на­сихаттау жолында еселі еңбек етіп жүрген музей саласының қыз­меткерлерін мерекемен құттық­ таймын! Қазір руханияттың көзге көрінбейтін майданы басталды. Жастарымыз кітап оқып, музей аралағаннан, тарихымызды танып­ білуден гөрі әлеуметтік  желілер­ге көп уақытын бөледі. Өскелең ұрпақтың санасына өткен тари­хымызды,  салт­-дәстүрімізді,  әдет­-ғұрыптарымызды, ұлттық болмыс­ бітімімізді сіңіруге тырысайық. Балаларымызды кітап оқуға қы­зықтыруға,  бойына  тәрбие мен бі­лімді егіз сіңіруге жұмыстанайық, – деді аймақ басшысының орынбасары Мақсат Нұрлыбекұлы.

Жиында Маңғыстау облыстық та­рихи-­өлкетану музейінің директоры Тамара Жұмалиева, Қ.Сыдиықов атындағы Маңғыстау облыстық кі­тапханасының әдістеме бөлімінің меңгерушісі Нұргүл Еңсегенова, облыстық ғылыми-­әдістемелік және мәдени қызмет көрсету орталығы директорының орынбасары Злиха Сапарова, «Маңғыстау мемлекеттік тарихи­мәдени қорығы» мемлекет­тік мекемесі директорының орын­басары Марат Өтесінов салаларын­дағы атқарылған жұмыстардың есебін берді.

Алқа кеңесінде мәдениет сала­сында ауыз толтырып айтарлықтай шаралардың өткендігі, әйтсе де олардың бірсарындылығына, жа­ңаша идеяның жоқтығына, елең ететін тақырыптағы кештердің аз өтетіндігіне, жаңа бағдарламалар­дың аздығына қатысты сын-­пікірлер айтылды.

Облыстық мәдениет басқарма­сының басшысы Пәния Сармур­зина атқарылған істердің арнасы кең екенін, алдағы міндеттер де зор  екенін  жеткізді.  Ол  өз сөзінде «Рухани  жаңғыру» бағдарламасын жүзеге асыруда өңірдің әлеуетін жеткілікті деңгейде қолдана алмай отырғанымызды, кез келген ша­раның мазмұнына қарамастан «Ру­хани жаңғыру» бағдарламасы ая­сында өткізілетінін айтып, басқа да мемлекеттік бағдарламаларды ұмыт қалдырмауды қаперге салды. Жиын­ға қатысушыларды аудан, ауылдарда тоқтап қалған жұмыстарды бірлесе атқаруға, тапсырмаларды дер ке­зінде орындауға, шараларды заман ағымына сай лайықтап өткізуге, облыстағы музейлердің цифрлық форматқа көшуін жеделдетуге бел­сене атсалысуға шақырды.

Жиын барысында мәдениет сала­сындағы мәселелер талқыланып, ой­-пікірлер айтылды.

Фарида МҰҢАЛҚЫЗЫ Көрнекі сурет сайт архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.