Ақтауда гранатаға ұқсас затпен ер адам ұсталды

2 тамыз күні сағат 22:15-те 4-шағын аудандағы N1 үйдің алдында экстремизмге қарсы күрес бөлімінің қызметкерлері 25 жастағы жас жігіттен манеж гранатасын тәркіледі, деп хабарлайды mangystaumedia.kz.

Аталған факті бойынша Қазақстан Республикасы Қылмыстық кодексінің 287-бабының 3-бөлігі (Атыс қаруын заңсыз алу, беру, өткізу, сақтау, тасымалдау немесе алып жүру (тегіс ұңғылы аңшылық қарудан басқа)) бойынша сотқа дейінгі тергеу басталды.

- Тиісті сараптама тағайындалды, заттың жарылғыштығы тексеріледі. Сараптама қорытындысы бойынша процессуалдық шешім қабылданады, деп хабарлады облыстық полиция департаментінің баспасөз қызметі.

Айта кетейік, ұсталған адамға 5000 АЕК-ке дейін айыппұл салу немесе дәл сол мөлшерде түзеу жұмыстары, не бес жылға дейін бас бостандығын шектеу, не сол мерзімге бас бостандығынан айыру жазасы тағайындалуы мүмкін.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.