Ақтау қаласындағы адам аяғы арылмаса да, көзден таса қалған жүргіншілер жолы жөнделіп, ел игілігіне берілді, деп хабарлайды mangystaumedia.kz.
Бұл жаңалықты қалалық мәслихат депутаты Уәйіс Ерсайынұлы facebook парақшасында жариялады. Халық қалаулысының жазуынша, қала тұрғыны жаяу халық көп жүретін қара жолдың жайын айтып, мәселені шешуге атсалысуын сұраған.
- «Заман» сауда үйінің жанындағы екі жағындағы төрт аялдама арқылы 11-шағынаудан мен 26-шағынаудан арасына күніне 10 мыңдай адам өтетін өткелдің аянышты жағдайы туралы айтып, Ақтау қаласының әкімі Нұрдәулет Қилыбайдың атына депутаттық сауал жолдадым. Келесі күні Нұрдәулетпен бірге барып, аталған жерді көзімен көріп, сол жерден жауапты адамдарға тапсырма берген еді. Енді міне, бүгін өзі хабарласып, аталмыш өткелге брусчатка төселгенін, жарық шамдары қойылып, қоқыстан тазартылғанын, алдағы уақытта қоқыс контейнерінің алынып, облыстық аурухана жақтағы жол зебрасының жаңартылатынын айтып сүйіншілегесін, қала тұрғындарының қуанышы бәрімізге ортақ қуаныш қой деп хабарымды сіздермен бөлісуді жөн көріп отырмын», - дейді Уәйіс Ерсайынұлы.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
