Жыл сайын 18 мамырда барлық дүниежүзілік қауымдастық Халықаралық мұражай күнін атап өтеді. Құтқарушылар мұражайы Маңғыстау облысындағы №1 Мамандандырылған өрт сөндіру бөлімшесінде орналасқан, деп хабарлайды mangystaumedia.kz департаменттің баспасөз қызметіне сілтеме жасап.
Қала тұрғындары мен қонақтары мұражайды аралап көрді. Жалпы мұнда жиналыстар, конферециялар, жеке құраммен сабақтар да болып тұрады. Балаларға жылда «Өрттен сақтану» тақырыбында көрме ұйымдастырылады.
Мұражай 1992 жылы өрт күзеті бөлімшесінде ашылды. Мұнда әртүрлі экспонаттар, тарихи жәдігерлер, өрт күзетінің дамуынан, тіршілігінен хабар беретін құжаттар бар.
Негізгі мұражай екі бөлмеден тұрады – қарапайым және тарихи залдар. Мұражайдың негізгі бөлігінде өрт сөндіргіш құралдар, өртте табылған заттар, балқып күйген костюмдерді көруге болады. Ең қызығы — «Өртке дейінгі және өрттен кейінгі үй көрнісі». Келіп тамашаласаңыздар, көңіліңізден шығарына сенімдіміз.
Балаларға Ақтау өрт сөндіру мекемесі жайлы, өртті қалай сөндіру, от сөндіргішті қалай қолдану керектігі айтылды. Өрт сөндіру бөлімшесі, демалыс бөлмесі, оқу залы, құрал-саймандармен жабдықталған бөлмелер көрсетілді. Олар үлкен өрт сөндіру техникаларына, өрт сөндіру құралдарына ерекше қызықты. Сонымен қатар, техниканың немен жабдықталғанын, қалай жұмыс жасайтындығын білді. Құтқару құралдары, гидравликалық қайшы, кеңейткіш құрал, домкрат сынды т.б. заттар да көрсетілді. Балалар арнайы касканы, киімдерді киіп те көрді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
