Бұл туралы облыстық білім беруді қамтамасыз ету департаментінің басшысы Есболат Өмірзақ айтты, деп хабарлайды mangystaumedia.kz облыстық ҚКО-ға сілтеме жасап.
Басшыларды ротациялау биыл басталады. Есболат Өмірзақ Қазақстан Республикасы Білім және ғылым министрінің 2012 жылғы 21 ақпандағы «Мемлекеттік білім беру ұйымдарының бірінші басшылары мен педагог қызметкерлерін қызметке тағайындау, қызметтен босату қағидаларын бекіту туралы» бұйрығына жасалған өзгерістер күшіне енгенін айтты. Атап айтқанда, басшы жалғыз өзі мұғалімдерді жұмысқа ала алмайды. Өзгерістерге сәйкес, мұғалімдерді жұмысқа алу нақты біліктілік талаптарына сүйеніп конкурс арқылы жүзеге асырылады.
- Қағиданың 92-тармағына сәйкес конкурс аптасына 16 сағат және одан да көп сағат оқу жүктемесі бар педагогтің бос және (немесе) уақытша бос лауазымына өткізіледі. Сондай-ақ, қағиданың 93-тармағында әрбір педагогтің жүктемесі неше сағаттан аспау керектігі нақты көрсетілген, яғни бос лауазымдар болған жағдайда әрбір педагогтің сағат саны бір жарым ставкадан аспауы тиіс, - деді Есболат Өмірзақ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
