Ақтауда командалық-штабтық жұмылдыру жаттығулары өтті

Ақтауда қорғаныс істері жөніндегі департамент және облыстық әкімдік бірлесіп командалық-штабтық жұмылдыру жаттығуларын өткізді. Жаттығу «Батыс» өңірлік қолбасшылығының басқару органдары мен әскерлерін даярлау жоспарына сәйкес, сондай-ақ Ақтау гарнизонының аумақтық қорғаныс бригадасы базасында жауынгерлік әзірлікті жоғары дәрежеге келтіру кезінде аумақтық әскерлердің жұмылдыру дайындығын тексеру үшін өтті, деп хабарлайды mangystaumedia.kz Қорғаныс министрлігіне сілтеме жасай отырып.

Оқу-жаттығудың басты мақсаты - хабарлау, жұмылдыру ресурстарын жеткізу, далалық дағдыларды арттыру және аумақтық әскерлердің командалық құрамының үйлесімділігін арттыру бойынша іс-шаралар өткізу. Бұдан басқа, қаланың стратегиялық объектілерін күзету және қорғау жөніндегі міндеттерді орындау мәселелері бойынша аумақтық қорғаныс бригадалары басқармаларының басшы құрамының білімі мен практикалық дағдыларын жетілдіру бойынша іс-шаралар өткізілді.

Оқу-жаттығу барысында жергілікті әскери басқару органдарымен бірлескен іс-қимыл және өзара хабарлау мәселелері, сондай-ақ аумақтық қорғаныс бригадасын жасақтау үшін жұмылдыру ресурстарын жеткізу мәселелері пысықталды.

«Жаттығулар екі кезеңде өткізілді. Біріншісі кезінде бригаданы жұмылдыру және жауынгерлік әзірліктің жоғары дәрежесіне келтіру, сондай-ақ Маңғыстау облысының қорғаныс істері жөніндегі департаментімен Заңды және жеке тұлғалардың адам және көлік ресурстарын қабылдау және жеткізу бойынша өзара іс-қимыл мәселелері пысықталды. Екінші кезең барысында әскери және мемлекеттік маңызы бар объектілерді күзетуді ұйымдастыру, төтенше жағдайды қолдау үшін әкімшілік – аумақтық аймақтағы күш құрылымдарымен өзара іс–қимыл мәселелері пысықталды», - деп атап өтті аумақтық қорғаныс бригадасының командирі полковник Әбдірахман Сәукенов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.