Ақтауда самса дүңгіршегінің бірінде тышқан толып жүр

Ақтау қаласының тұрғыны Венера Қалменова Instagram желісіндегі парақшасында тышқандар жайбарақат тамақтанып жүрген видеоны жариялады, деп хабарлайды mangystaumedia.kz.

- Көше тағамдарын сатып алғанда абай болыңыз. Бірдеңе сатып алмас бұрын айналаңызға қараңыз. Бұл құрылыс дүкенінің артындағы 22 шағынаудандағы базар. Қорқынышты, мұнда бірнеше тышқан жүр, - дейді видео авторы эмоционалды түрде.

Видеоға Ақтау қалалық санитарлық-эпидемиологиялық бақылау департаменті түсініктеме берді.

– Қала әкімдігінің атқарушы билігіне, кәсіпкерлік бөліміне сауал жолдадық. Біздің мақсатымыз – осы павильонның қандай ЖШС, иесі кім және кімге тиесілі екенін, тақырыпқа қатысты барлық қажетті ақпаратты анықтау. Сонымен қатар Мемлекеттік кірістер департаментіне сұраныс жіберіледі. Соның негізінде әрекет етеміз, тиісті рұқсатсыз тексеру жүргізе алмаймыз. Тұрғындардың денсаулығына қауіп төндіретін фактілер тіркелген жоқ, – дейді басқарма басшысы Әсима Жарылғасова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.