Енді Pfizer вакцинасын барлық адам ала алады

Бұрын Pfizer вакцинасы белгілі бір санаттарға ғана қолжетімді болатын, - деп хабарлайды mangystaumedia.kz coronavirus2020_kz сілтеме жасап.

Қазақстан Республикасы Премьер-Министрінің орынбасары Ералы Тоғжановтың төрағалығымен Қазақстан Республикасының аумағында коронавирустық инфекцияның алдын алу және таралуы жөніндегі ведомствоаралық комиссияның отырысы өтті.

Ведомствоаралық комиссия мынадай шешімдер қабылдады:

1. үй-жайларда міндетті түрде бетперде киюден бас тартуға;
2. медициналық ұйымдарда (персонал, қызметкерлер, пациенттер, келушілер) медициналық бетперделерді міндетті түрде киюді;
3. адамдар көп жиналатын орындарда, қоғамдық көлікте, ұйымдасқан топтарда бетперде киюді сақтауға;
4. білім беру ұйымдарында кабинеттік оқыту жүйесіне рұқсат етілсін.

Сондай-ақ, Ведомствоаралық комиссия шешімімен Pfizer вакцинациясына жататын адамдар контингенті кеңейіп жатыр. Ол келесі категориялармен толықтырылады:
1. Осы вакцинамен профилактикалық егуді алғысы келетін алғашқы егу алушылар;
2. әртүрлі себептермен шетелге шығу үшін қайта вакцина алатын адамдар;
3. шетелде басталған вакцина курсын аяқтаған адамдар;
4. COVID-19-ға қарсы ревакцина алатын барлық топ.

Жиын соңында Ералы Тоғжанов әкімдіктерге коронавирус инфекциясына қарсы екпе науқанын ерекше бақылауға алуды тапсырып, халық арасында түсіндіру жұмыстарын сапалы жүргізу қажеттігін айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.