Маңғыстау облыстық перинаталдық орталығында 1 тәулікте 4 егіз дүниеге келді, - деп хабарлайды mangystaumedia.kz сайты "Ана мен бала" орталығына сілтеме жасап.
Аналар 6 ұл мен 2 қызды табиғи жолмен өмірге әкелді.
Дәрігерлердің айтуынша нәрестелердің салмағы - 1950 граммнан 3150 грамм аралығында. Сәбилердің де, аналарының да жағдайы жақсы. Сәбилер ана сүтін еміп, өмірге қалыптасып келеді.
Айта кетейік, 2021 жылы облыстық "Ана мен бала" перинаталдық орталығы егіздердің тууы көрсеткіші бойынша алдыңғы қатарға енді. Перзентханада бір жылда 169 егіз, 3 үшем дүниеге келді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
