Маңғыстауда банкрот кәсіпорындар 80 миллионға жуық теңге қарыз

© Фото интернеттен алынды

Маңғыстау облысында банкрот деп танылған 8 мекеме 127 жұмысшыға қарыз, - деп хабарлайды mangystaumedia.kz сайты.

Яғни аталған 8 мекеменің 79,2 млн теңге көлемінде жалақы берешегі бар.

«Қазіргі таңда «Ces Group» ЖШС мекемесінен 50 адам, «ПолиКом-Сервис» ЖШС-дан 7 адам жалақы ала аламай жүр. Сондай-ақ «Сартас-Теңіз порты» АҚ 7 адамға, «РИГ» ЖШС 39 адамға, «АқтауОйлМаш» 10 адамға қарыз. Ал «Kazoilserviceesegroup» ЖШС 3 адамның, «ConstructionEmpire» ЖШС 8 адамның және «Darston» ЖШС 3 адамның еңбек ақысын бермеген», - дейді Нұралы Баулыбаев.

Оқи отырыңыз: Маңғыстауда жыл басынан бері 2 адам кәсіпорында көз жұмған

Оның айтуынша, аталған жалақы берешектері банкроттық рәсімдер аясында өндіріледі. Банкроттық рәсімдерге бақылауды мемлекеттік кірістер органдары жүргізеді. Қазір жалақы берешегін өндіру жұмыстары жүріп жатыр.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.