Кендірліде жаңа мәдениет үйі пайдалануға беріледі

Жақында құрылған Кендірлі ауылының тұрғындарына жаңа мәдениет үйі пайдалануға беріледі.

300 адамға арналған ғимаратта кітапхан, көрермен залы, үйірмелерге арналған бөлмелер бар. Бүгінгі таңда қүрылыс жұмыстары 95%-ға аяқталған. Енді ішін жиһаздармен, музыкалық құрал-жабдықтармен қамтамасыз ету жұмыстары қалды. Жаңа нысан ашылса, балалар түрлі үйірмелерге қатысып, жұмыссыз жүрген өнерлі жастар жұмыспен қамтылады.

Ал салауатты өмір салтын насихаттау және балаларды спорт үйірмесімен қамтылуы желісін кеңейту мақсатында Ә.Тұяқов атындағы спорт кешенінің аумағынан үрмелі спорт кешенінің құрылысы салынып жатыр. «Самұрық-Қазына» ҰӘҚ АҚ-ның демеушілігімен жобаға 6 779 500 миллион теңге бөлінген. Спорт кешенінің аумағы 65х27метр. Жоба 200 баланы қамтиды. Құрылыс жұмыстары қазан айына дейін жалғасады. Жаңа нысан пайдалануға берілсе, спортқа қызығушы жастар ауа-райының қолайсыздығына қарамастан үрмелі ғимаратта емін-еркін жаттығады. Қазірдің өзінде Жаңаөзен жастарының спортқа қызығушылығы өте жоғары. Сондықтан заманауи спорт кешені оларға зор мүмкіндік болмақ.

Айгүл Орынбаева

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.