© фото из открытых источников
Ел тәуелсіздігінің 30 жылдығына орай Ақтау тұрғындары мен қонақтары үшін 1а шағынаудан Дискай жағалауынан тегін кинотеатр ашылды, деп хабарлайды mangystaumedia.kz.
Ашылғанына бірер күн болған алаңда кино көрем деушілердің саны көп. Олар айына 8 рет, сәрсенбі және жексенбі күндері кино тамашалай алады.
Фильмдердің афишасы әлеуметтік желіде алдын-ала жарияланып отырады.
Ашық аспан астындағы кинотеатр жұмысын алматылықтар жүргізіп отыр. Ақтауға жиі саяхаттап келетін олар, жағалаудағы демалуға арналған орындардың аздығын көріп, өздері ұйымдастыруды қолға алған екен.
“Идеямызды 4 адам бірігіп, жүзеге асырдық. Ең бастысы, халық жақсы қабылдады. Ашылғанымызға аз уақыт болса да, сеанс болған күндері жағалау көрерменге лық толады. Алдағы уақытта, жағалауды абаттандырып, фуд-корттар мен дүкен ашуды да жоспарлап отырмыз», - дейді ұйымдастырушы Анна Питра.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
