Ақтау көшелеріне 600-ге жуық жарықдиодты шам қойылды

Ақтаудың орталық көшелеріне 600-ге жуық энергия үнемдейтін, LED-шам орнатылды, - деп хабарлайды mangystaumedia.kz сайты.

Заманауи үлгідегі шамдар 1 шағынауданнан 15 шағынауданға дейінгі төрт жолдың бойына қойылған.

«Қалада 7 мың жарық бағанасы бар. Соның ішінде 2 мың лампаны ауыстыру жоспарланған болатын. Жоспарға сәйкес жұмыстар 5 наурыз күні басталды. Осы уақытқа дейін №3 автожолға (15 ш/а - 1 ш/а) – 305 дана, №7 автожолға (4 ш/а - 15 ш/а) – 210 дана, №18 автожолға 20 дана шам қойылды. Жаңа шамдардың басты артықшылығы – қызмет ету мерзімінің ұзақтығы, энергия тұтынудың төмендігі және экологиялық қауіпсіздігі», - дейді «Ақтау электр желілері басқармасы» МКК учаске басшысы Ағлен Сәрсенғалиев.

Ақтау қаласы әкімдігінің баспасөз қызметінің айтуынша, жарықдиодты шамдар сынапты шамдармен салыстырғанда электр энергияны 1,5 - 2,5 есе аз қажет етеді. Мысалы, ескі шамдар 250 Вт тұтынса, қазіргі шамдар 120 Вт тұтынады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.