Теңіз жағалауында шахмат ұйымдастырылды

Жақында 14 шағынаудан теңіз жағалауында бөшке үстіндегі шахмат ойыны ұйымдастырылды. Ойын шахматсүйер тұрғындарға арналды, - деп хабарлайды mangystaumedia.kz сайты.

Жағалауға 10 шахмат бөшкесі қойылды. Қала тұрғындары арнайы келіп, ойын ойнап, уақытын тиімді өткізді. Алдағы уақытта жағалаудағы шахмат әр апта сайын ұйымдастырылады деп жоспарланып отыр.

«Мақсатым – халықты салауатты өмір салтына баулу, жаңа үлгідегі демалыс орнын белгілеу. Теңіз жағалауы серуендеушілердің жақсы ойын алаңына айналары анық. Жаңа форматтағы шахмат тақтасы идеясы ойға келгеннен бастап бөшкелерді іздестірдім. Бүгін ойға алған жоспар орындалып отыр», - дейді «Дебют» шахмат мектебінің басшысы Анвар Шайхымов.

Сонымен қатар ол ойынға демеуші болған Константин Триус – МТС және Булат Кенжебаев – КазИнтегСтройға алғыс айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.