Әскери теңізшілер мен теңіз жаяу әскерлерінің бірлескен оқу-жаттығуы өтті

Ақтауда кемелерді орналастыру пункттерінің диверсияға қарсы қорғанысын ұйымдастырудан әскери-теңіз күштері мен теңіз жаяу әскерлері бригадасының бірлескен оқу-жаттығуы өтті, деп хабарлайды mangystaumedia.kz сайты Ақтау гарнизонының баспасөз қызметіне сілтеме жасап.

Дабыл беріле сала арнайы мақсаттағы жауынгерлік барлау батальоны көтерілді. Арнайы мақсаттағы барлау ротасына Әскери-теңіз күштерінің объектілерін күзету және қорғау туралы жауынгерлік оқу-жаттығу міндеті қойылды.

Бөлімшелер ұйымдасқан түрде кемелер орналасқан аймаққа марш жасап, содан кейін қарсыластың су асты диверсиялық күштерінің енуіне жол бермеу үшін Әскери-теңіз күштерінің пирстері мен кемелерін күзетуді және қорғауды ұйымдастырды. Бөлімшелердің жеке құрамы қолбасшылықтан өрт сөндіру және медициналық командаларды қолдану бойынша түрлі нұсқау алды. Ал әскери теңізшілер теңізге шықты.

Аталған оқу-жаттығуға штаттық қару-жарақпен барлығы 150-ге жуық әскери қызметші, әскери және арнайы техника жұмылдырылды.

Бұл оқу-жаттығу жеке құрамға су астындағы диверсияға қарсы іс-қимылдар мен күзет іс-шараларын ұйымдастыруға қажетті практикалық машықтарды үйренуге мүмкіндік берді.

Осындай бірлескен оқу-жаттығу жауынгерлік даярлық жоспарына сәйкес ұдайы түрде жауынгерлік жағдайды күшейте отырып өткізіледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.