Қан орталығына донорлар керек

Қан орталығына келуші ерікті донорлар саны азайған. Қазіргі таңда теріс факторы бар бірінші, екінші және үшінші топтағы қан тапшылығы бар. Сондай-ақ тромбоциттер донорлары қажет, - деп хабарлайды mangystaumedia.kz сайты.

«Қан тапсыру үшін орталыққа таңертеңгі сағат 09.00 мен күндізгі 13.00 аралығында келуге болады. Донор бір күн бұрын дайындалуы керек. Атап айқанда кешкі сағат 18.00-ден кейін майлы тамақ жеуге болмайды. Сұйық тағамды ішіп, жақсы демалып келген дұрыс. Таңертең сүтсіз шәй ішуге және піспенан жеуге болады. Әрбір келуші бетперде, бахила және медициналық қолғаппен қамтамасыз етіледі», - дейді мамандар.

Мамандардың айтуынша, қан және оның компоненттері облыстық және қалалық перинаталдық орталыққа, онкологиялық диспансер, облыстық және көпбейінді балалар ауруханасында емделіп жатқан науқастарға аса қажет.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.