Облыста 2500-ге жуық ағаш отырғызылды

Бүгін Маңғыстау облысында 2500-ға жуық ағаш отырғызылды, - деп хабарлайды mangystaumedia.kz сайты.

Қаланы көгалдандыру жұмысы "Мекенім - жасыл елім" атты республикалық акция аясында орындалып жатыр.

Маңғыстау облысы Табиғат ресурстар және табиғатты пайдалануды реттеу басқармасының бөлім басшысы Динара Еңсегеннің айтуынша, шырша ағашын отырғызуға 5000-ға жуық маман келген.

Оның ішінде басқарма басшылары мен мекеме мамандары, Қазақстан Ассамблеясының өкілдері, еріктілер бар.

Олар алдымен 17, 18 шағынауданнан бастап 16-19 шағынаудандардың орталық көшелеріне, 32 және 35 шағынаудандағы Қан орталығына дейін шырша екті.

Шараға Маңғыстау облысы әкімінің орынбасары Абзал Меңдібаев та атсалысты.

"Таза табиғат" акциясы 5 бағытты қамтиды. "Мекенім - жасыл елім" бағыты бойынша ағаш отырғызса, оқушылар "Бұл - менің ағашым" челленджін өткізеді. Сонымен қатар "Таза су айдындары" бағыты бойынша бұлақ көзін ашу, "Таза жағалау" акциясы ұйымдастырылып жатыр. Қазір жағалау аймақтарына, су қоймалары мен қаумалдарға сенбілік жүргізіліп жатыр", - дейді Динара Еңсеген.

Айта кетейік, акция Президент тапсырмасына сәйкес Экология, геология және табиғи ресурстар министрлігінің ұйымдастыруымен өтіп жатыр.

Жұлдызай ҚАЛИЕВА

Суреттерді түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.