Маңғыстауда ХҚКО Амал мерекесін тойлап жатыр

Бүгін мерекеге орай Маңғыстау облысында орналасқан Азаматтарға арналған үкімет, Халыққа қызмет көрсету орталығы қызмет алуға келген тұрғындарға дәмді бауырсақ пен ұлттық сусын - айран, шұбат ұсынып жатыр, - деп хабарлайды mangystaumedia.kz сайты.​

Мұндағы мақсат – Амал мерекесін тойлау, жылы тілектер​ жеткізіп, мейірімділік пен ауызбіршілікке баулу, ұлттық құндылықтар мен тағамдарды насихаттау.

Құжат шаруасымен Ақтау қаласындағы №2 Халыққа қызмет көрсету орталығына бас сұққан белгілі жыршы-термеші Бауыржан Сатыбалдин орталықтағы мерекелік атмосфераға оң бағасын берді. Ақ дастарханнан дәм татып, игі тілегін жеткізді. ​

«Жаңаруды айшықтайтын Амал мерекесі құтты болсын! Мерейлі мереке елімізге, жерімізге құт-береке ала келсін. Әрбір күніміз көктемдей шуақты болсын!», - дейді Маңғыстау облысы бойынша «Азаматтарға арналған үкімет» КЕ АҚ жұртшылықпен байланыс маманы Жадыра Шалабаева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.