Паркингте беташар өткізген тұрғын акт толтырды

Жерасты автокөлік тұрағында беташар өткізген ақтаулық тұрғын акт толтырды. Ал мердігер мекеме мен той жүргізушісінен түсініктеме алды, - деп хабарлайды mangystaumedia.kz сайты.

Ұйымдастырушылар мердігер мекеме өкіліне ескертпестен, өз бетінше беташар өткізген. Жеке бас мәліметтері анықталғаннан кейін Ақтау қаласы әкімдігінің мониторингтік тобы мен учаскелік инспекторлар бірігіп, санитарлық-эпидемиологиялық талаптарды сақтау бойынша шара қолданған.

«Ақтау қаласының Б.есімді тұрғынына акт толтырылып, шараның жүргізушісі мен мердігер мекеме өкілінен түсініктеме алынды. Енді ҚР Заңдарына сәйкес шара қолдану үшін барлық материал Ақтау қалалық тауарлар мен көрсетілетін қызметтердің сапасы мен қауіпсіздігін бақылау басқармасы мен координациялық орталыққа жіберілді», - дейді Ақтау қаласы әкімдігінің баспасөз қызметі.

Еске сала кетейік, кеше Ақтау қаласындағы 35 шағынауданда орналасқан «Сабыр» тұрғын-үй кешенінің жерасты автокөлік тұрағында беташар өткен болатын. Бұған дейін біз аталған беташардың видеосы әлеуметтік желіде таралғанын жазған болатынбыз.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.