Ақтаулық үш оқушы ҚБТУ-ның грантын ұтып алды

Республикалық олимпиаданың ІІ қалалық кезеңі өз мәресіне жетті. Олимпиадаға 428 оқушы қатысса, соның ішінде 44 оқушы облыстық кезеңге жолдама алды, - деп хабарлайды mangystaumedia.kz сайты.

Бес күнге созылған білім бәйгесінде қатысушылар 15 пән бойынша бақ сынады. Жыл сайын олимпиада нәтижесі бойынша орта мектептерге «үздік команда» кубогы табысталды.

Атап айтқанда, Мамандандырылған IT лицейі 1-орын, № 7 мектеп-лицейі мен №13 гимназиясы 2-орын иеленді. Ал 3-орынды IT мектеп- лицейі мен № 23 орта мектебіне бұйырды.

Осы ретте Қазақ британ техникалық университеті үш жыл қатарынан жеңімпаздарымызды қолдап, грант бөліп келеді. І орын алған Диас Наурыз, Нұрболат Габдуллин, Іңкәр Cадық толық грантқа ие болды.

Ал ІІ орын алған Шаиза Шағырбай, Бауыржан Орынғалиев, Рақымжан Жабағин, Мөлдір Алинурова, Эвелина Коженкова мен Тлеужан Айткалиға 50% грант берілді. Сонымен қатар ІІІ орын алған Бексұлтан Бақты, Орынбасар Джантуреев, Арухан Джуматаева, Азиза Сұңғатова, Асем Абдрешова, Зарина Кадырова, және Владимир Раскулов, Данил Васенко есімді оқушылар 30% грант алды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.