Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Жаңаөзен қалалық сотында «Медиация - бітімгершілік пен татулық кепілі» тақырыбында дөңгелек үстел өтті. Бұл туралы Жаңаөзен қалалық сотының баспасөз қызметі хабарлады.
Іс-шараға Жаңаөзен қалалық сотының судьясы С.Махамбетова және кәсіби медиаторлар қатысты.
Іс-шарада сөз алған судья С.Махамбетова татуласу рәсімдері талап арыз түскен күннен бастап 10 жұмыс күні аралығында жасалатынын, ең бастысы уақыт пен шығынды үнемдеп, тараптардың бір-біріне деген сыйластығын сақтау болып табылатынын баяндады. Сонымен қатар,судья іс бойынша тараптар татуласу рәсімін өткізу үшін бірнеше рет шақыртылуы мүмкін екендігін, Жаңаөзен қалалық сотында арнайы жабдықталған кабинет және Жаңаөзен қаласындағы «Неке сарайы» ғимаратында «Отбасылық сот» кабинеті ашылғандығын жеткізді.
С.Махамбетова қазіргі таңда пандемияға байланысты татуластыру рәсімдері онлайн түрде «Whatsapp» мобильді қосымшасы арқылы өтіп жатырса да оң нәтижесін беруде екенін атап айтты.
Дөңгелек үстелге қатысушылар сот істерінде медиацияны кеңінен қолдану мәселелері, оның қолдану аясын кеңейту мен үгіт-насихат жұмыстарын жандандыру мәселелеріне баса назар аударып, медиация арқылы бітімгершілікке келу мақсатында кәсіби медиторлардың өзара іс-қимылы, дау мен жанжалды соттан тыс реттеу туралы мәселелерге тоқталып, пікір алмасты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.