Өңірлік коммуникация орталығында өткен брифингте Маңғыстау облыстық мәдениет және тілдерді дамыту басқармасының бөлім басшысы Жеміс Ержігітова карантин кезінде мәлениет ошақтарының қалай жұмыс істеп тұрғанын айтты. Оның мәліметінше, басқармаға қарасты 10 мекеме бар. Театрлар, филармония, музейлер, кітапханалар мен архив мекемелері қыркүйек, қазан айларынан бастап келушілерді қабылдай бастады.
«Н. Жантөрин атындағы Маңғыстау облыстық музыкалық-драма театры мен Маңғыстау облыстық қуыршақ театры көрермендердің міндетті түрде қойылымға бетпердемен келуін және ара қашықтық сақтауын қадағалайды. 200 орындық көрермендер залына, әр спектакльге 50 көрерменнен артық жіберілмейді. Жаңа маусымның ашылуына дайындыққа байланысты театр ұжымы толық құрамда жұмыс атқаруда», - деді ол.
Ал, Мұрат Өскінбаев атындағы Маңғыстау облыстық филармониясының директоры Бекбол Базарбаевтың айтуынша, мекеме 23 қазаннан бастап көрерменді қабылдай бастаған.
«М.Өскінбаев атындағы Маңғыстау облыстық филармониясы қазан айының 23 жұлдызынан бастап филармонияның концерттік залына көрермен қабылдап, ұжымдар концерт қойып бастады. Аптасына бес концерттен, күніне бір концерттен жоспарланған концерттердің басталу уақыты күнделікті сағат 19.00-де. Көрермен саны 60 адамнан аспайды. Концерттік маусым ашылуына байланысты ұжымдар жұмыс кестесі бойынша топ-тобымен дайындық өткізеді», - деді Бекбол Базарбаев.
Маңғыстау облысының Бас мемлекеттік санитариялық дәрігерінің 2020 жылғы 18 қыркүйектегі шыққан «Маңғыстау облысының аумағында карантин режимі және карантиндік шараларды кезең-кезеңмен жеңілдету туралы» 2020 жылғы 28 тамыздағы №38 қаулысына өзгерістер енгізілген бойынша карантиндік шараларын ескере отырып келген көрермендердің дене қызуларын (тепловизор арқылы) өлшеп, бетпердемен кірулерін қадағалап және антисептиктер (локтевой) қондырылған. Ғимараттың іші күніне екі рет және екі сағат сайын дәретханалар арнайы жасақталынған ертіндімен залалсыздандырылады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
