Бұл туралы mangystaumedia.kz сайты Маңғыстау облысының қоғамдық коммуникация орталығына сiлтеме жасап хабарлайды.
Бұл қаражатты «Каспий» әлеуметтік-кәсіпкерлік корпорациясы» АҚ бөліп отыр. Мұндағы мақсат - аймақ жұртшылығының әлеуметтік маңызы бар дәрілік заттар және медициналық мақсаттағы өнімдерге қажеттіліктерін қамтамасыз ету.
Бұл бағытта іс-шараларды атқару үшін Маңғыстау облысы әкімінің өкімімен арнайы жұмыс тобы құрылған болатын. Жұмыс тобының шешімімен жергілікті компаниялар - «ФАЙЗ-2016» және «АДА Фарм-Актау» серіктестіктерінің әрқайсына 0,01 пайызбен 100 млн теңгеден несие берілді.
Қазіргі уақытта бұл компаниялар жалпы құны 60 млн теңгеге бағаланған дәрілік заттарды сатып алды. Олардың қатарында дене қызуын түсіретін (жарапонижающий), антикогулянт, антибиотик, бронходилататор (бронхолитик), антигистамин, жансыздандыратын (анестетик) тағы басқа да медициналық препараттар бар.
Қалып тұрған берешек қаражатқа қосымша дәрі-дәрмек алу үшін тапсырыс беріліп жатыр.
Айта кетейік, несие қаржыға алынатын дәрілік заттарды облыс көлеміндегі өзге де дәріханалардың сатып алуына мүмкіндік беріліп отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
