Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Жаңаөзен қалалық жастар ресурстық орталығының ұйымдастыруымен «Карантин 2020 Олимпиадасы» өтті. Бұл туралы Жаңаөзен қалалық жастар ресурстық орталығының маманы Дәурен Жарылғапов мәлім етті.
Ұйымдастырушылардың айтуынша, еркін форматта өткен шарада ұстаздар білімдерін емес білек күштерін сынады. Жарыстың барлығы физикалық қимыл қозғалысқа негізделген. Қатысушылар мұндай айрықша кешке бар күштерін салып, жұмыла кірісті. Шараның басты ерекшілігі де осы.
"Мұндай жарысты өткізудің мақсаты қашықтан оқыту режимінде осалдық танытпай, онлайн форматты ұстанып келе жатқан жас маман-мұғалімдерді барлық карантин талаптарын сақтай отырып, сергіту болды. Бұл біздің қолымыздан келді, өйткені оқушыларды білім нәрімен сусындатып келетін ұстаздар бір-бірімен бәскелесіп, жеңімпаз болуға ұмтылды, көңіл күйлері көтерілді" - деді Дәурен Жарылғапов.
Айта кетейік, "Карантин-2020" олимпиадасында арнаулы оқу орын мұғалімдерінен құралған «Самғау» тобы және орта мектеп мұғалімдерінен құралған «Праймериз» тобы 4 кезеңнен тұратын ойында өз бақтарын сынады. Жарыс нәтижесі бойынша «Самғау» тобы жеңіске жетті. Барлық мұғалімдер алғыс хаттармен марапатталып, сыйлықтар табысталды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.