Ақтаулық тұрғын үйінің кіреберісін өз қолымен ерекше сәндеп қойған. Шебер құрылыс қалдықтарын кәдеге жаратып, қабырғаны заманауи үлгіде безендірген. Мозайкалар құрастырып, әр түрлі картиналарды іліп қойған. 5 шағынауданның 22-үйіндегі 4-ші қабаты бір көрген адамға өнер галереясы сияқты.
Автор Сергей Наумовтың айтуынша, кейде қонақ үй ме деп сұрағандар бар көрінеді.
«Осылай безендіруге басқа подъездердің сұрықсыз келбеті әсер етті. Қара бояумен салынған түрлі жазулар да бар. Сосын өз қолыммен безендіруге кірістім. Әктеп, сырлап, кафельдерді жабыстардым. Картиналарды тауып алып келдім. Қазір өзімнің жасағаныма жалғыз мен емес, көршілерім де дән риза. Себебі, әр адам үйіне келгенде көңіл күйі көтерілуі керек. Енді қарасаңыз, бір демалып қаласыз», - дейді Сергей Наумов.
1 жыл ішінде жөндеу жұмыстарын жасап, ерекше үлгіде безендірген Сергей Наумовтың еңбегіне көршілері де алғысын жеткізді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
