Бұл туралы Маңғыстау облысының қоғамдық коммуникация орталығында өткен брифингте Маңғыстау теміржол вокзалының басшысы Алма Айымқұлова айтты, - деп хабарлайды mangystaumedia.kz.
Жолаушылар міндетті түрде бетперде мен жол жүру билеті болған жағдайда вокзал ғимаратына кіргізіледі. Жолаушыларды байланыссыз термометрия арқылы тексереді. Жоғары температурасы немесе тұмау белгілері байқалған жағдайда жолаушылар пойызға жіберілмейді. Айта кетейік, шығарып салушыларға вокзал ғимаратына кіруге тыйым салынады.
Жолаушылар үйден шығар алдында 20 минут бұрын дене қызуын өлшеу керек. Егер дене қызуы 37 немесе одан жоғары болған жағдайда үйде қалып, жергілікті дәрігерлерге хабарласу қажет.
Жолаушылар вокзал ғимаратына және вагондарға міндетті түрде бетпердемен кіріп, ара-қашықтықты сақтауы тиіс. Осыған байланысты жолаушылардан ерте келуі сұралады. Жолаушыларды дүрбелең жасамай, кемінде 1 метр қашықтықта тұруын, карантин режимін сақтап, осы жағдайда түсіністікпен қарап, сабырлық танытуларын сұраймыз, - деді Маңғыстау теміржол вокзалының басшысы Алма Айымқұлова.
Айта кетейік, жол жүру сапарында жолаушылар міндетті түрде өзімен бірге қорғаныш құралдарын, маска, қолғап және антисептик алып жүру қажет.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
