Ол бейнеүндеуде басынан өткен жағдайын, Covid-19 індетіне шалдыққаны жөнінде айтты, - деп хабарлайды mangystaumedia.kz МО ақпараттық қызметіне сілтеме жасап.
Ғалия Рахметова бейнеүндеуінде Бейнеу ауданының тұрғыны екенін айтты. Көпшіліктің Covid-19 індетінің барына сенбей жатқаны жанына батқан көрінеді. Өзінің 18 күннен бері ауырып жүргенін айтқан науқас маңғыстаулықтарды алып-қашпа әңгімелерге сенбеуге шақырады.
Ол 9 мамыр күні провизорлық стационарға қызулап түсіп, коронавирусқа тапсырған сынамасы оң нәтиже берген. 18 мамырдан бастап Бейнеу аудандық ауруханасының инфекциялық бөлімшесіне жатқызылған, себебі барлық клиникалық белгі болып, пневмония асқынып кеткен. Жағдайы жақсармаған соң 19 мамырда Ақтаудағы облыстық провизорлық стационарға жатқызылған.
Ол әсіресе ауырғандарға 100, 200 және 300 мың теңгеден береді екен деген әңгімеге сенбеуге шақырады. Ғалия аурудың алдын-алу үшін сақтық шараларына көбірек көңіл бөлуге кеңес береді. Вирустың бұл түрін жәй тұмау деп түсіну үлкен қателік екенін естен шығармаған абзал дейді. Сонымен қатар, Covid-19 індетін жұқтырған науқастардың тезірек сауығуына тілектестігін білдірді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
