Көптеген адамдардың қандай да бір вирустан тексеріліп, тест тапсыруға жүрексінетіні жасырын емес. Тест тапсырушының әрқайсысының көкейінде «талдама вирус барын растап тұрса, қайтем?» деген секілді үрейлі сауал тұрады. Егер, бұл күмән расталар болса, кейбіреулер көңілі әбден төмендеп кетуі ғажап емес.
Мұндайда ЖИТС-тың алдын алу және оған қарсы күрес орталығындағы АИТВ инфекциясының жұқтырылу тәуекелдік деңгейін бағалау, себептерін тексеріп-қарау мен міндеттерін талқылау мақсатында, кеңес алушы мен кеңес беруші арасындағы құпия диалог жүргізуге, тест нәтижелері хабарланған соң көңіл-күйіне әсері мен ықтимал салдарын анықтауға, қауіпсіз мінез-құлық дағдыларына үйретуге арналған психологиялық әлеуметтік кеңес (ПӘК) беру кабинетінен кеңес алған орынды. Кеңес алушының мінез-құлық ерекшелігіне қарай кеңес беретін осындай кабинеттер барлық аудандарда да жұмыс істеп тұр.
Бейнеу аудандық ПӘК кабинетінің эпидемиолог дәрігері Перизат Кемелова кабинет қызметі АИТВ инфекциясы мәселелері бойынша жүгінген адамдарға, соның ішінде жүкті әйелдерге кеңес беруді және АИТВ-ға тестілеуге дейін және одан кейін психологиялық әлеуметтік кеңес беруді жүргізуге бағытталғанын айтады. Келушілер клиникалық көрсеткіштері және хабардарлық келісімі бойынша АИТВ-ға тестілеуге жолданады. Сондай-ақ оларға АИТВ инфекциясы, жыныс жолымен берілетін инфекциялар (ЖЖБЖ), алдын алу шаралары, АИТВ-ға тестілеу мәндері туралы ақпарат беріледі.
- Маңғыстау облыстық ЖИТС-тің алдын-алу және оған қарсы күрес жөніндегі облыстық орталығының Бейнеу орталық аудандық аурухана бөліміндегі психоәлеуметтік кеңес беру кабинеті келушілермен АИТВ-ға тексеріп-қарау себептерін талқылаймыз, АИТВ инфекциясын жұқтыру тәуекелдігі дәрежесін бағалап, тест нәтижелері хабарланған соң көңіл-күйіне әсері мен ықтимал салдарын анықтауға кө мектесеміз, - дейді Перизат Қазбекқызы.
- Келушілерді АИТВ мен ЖЖБЖ жұқтыру тәуекелдігін азайтуға ықпал ететін мінез-құлық дағдыларына үйретеміз. АИТВ жұқтырылғандар мен тәуекелді мінез-құлықты топтарға жататын адамдарға АИТВ инфекциясының проблемаларына қатысты, медициналық және әлеуметтік-құқықтық мәселелер жөнінде кеңес беріледі. Қазіргі таңда өз еркімен хабарласып келген әр адамға АИТВ инфекциясының алдын алу мәселелері бойынша кеңес беру жүргізілуде. Психоәлеуметтік кеңес беру бұл әрбір адамға АИТВ инфекциясы туралы білім деңгейін арттыру мақсатында, АИТВ инфекциясының одан әрі таралуын болдырмау мақсатында және АИТВ-ға тестіден өтуі туралы шешім қабылдау кезінде қолдау көрсету мақсатында жүргізіледі. Бейнеу орталық аудандық аурухана жанындағы психо-әлеуметтік кеңес беру кабинетінде АИТВ инфекциясына кеңес алып, тексерілушілер саны артып келеді. 2020 жылдың статистикалық көрсеткішіне сүйенсек, 4976 адам АИТВ инфекциясына тексеруден өтті. Ал 2010 жылы бұл көрсеткіш 4184 болатын. Бейнеу аудандық орталық аурухана жанындағы барлық медицина қызметкерлеріне ай сайын АИТВ инфекциясы бойынша арнайы семинар сабақтар өткізіледі. 2020 жылдың Бүкіләлемдік ЖИТС-ке қарсы күрес күніне орай Бейнеу аудандық емханасында халық және медицина қызметкерлері арасында «Жаһандық ынтымақтастық,ортақ жауапкершілік» ұранымен акция өткіздік. Акцияда ауруханаға келген тұрғындарға тегін кеңес беріліп, АИТВ-ға жедел тест жүргізілді.
Маманның айтуына қарағанда, бейнеуліктердің өз денсаулығын тексертуге белсенділігі арта түскен. Бұл — денсаулыққа деген жауапкершілік күшейіп келе жатыр деген сөз.
Валентина ҚОЗЫБАҚОВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
