Елге қызмет көрсету - ердің ісі

Сіздерді 7 мамыр – Отан қорғаушылар күні мерекесімен шын жүректен құттықтаймыз! Аға ұрпақ пен жас буынның Отанымызды қорғап, қызметке айтулы үлес қосқанын біз әрқашанда мақтан тұтамыз.

Ата-бабаларымыз елді қорғауға барлық күш-жігерін сарп етіп, ұланбайтақ жері мен байлығы бар, теңдесі жоқ мәдениеті тереңге жайылған ел қалдырды.

Тәуелсіздік - ең басты құндылығымыз. Тәңірдің жазуымен еліміз егемендікке қол жеткізді. Ел экономикасы да жылдан жылға нығайып, мәдени, рухани даму деңгейіміз өсіп келеді.

Қазіргі таңда төтенше жағдайға байланысты азаматтарды мерзімді әскери қызметке шақыру уақыты 2020 жылдың маусымынан тамызға ауыстырылды. 2019 жылы көктемде әскерге шақырылған әскери қызметшілерді запасқа шығару, төтенше жағдай режимі алынған жағдайда биыл 30 маусымға дейін жүргізілетін болады. Бұл уақытша сынақтан бірлігіміздің арқасында жеңіп шығып, елін, жерін сүйетін потриотты азаматтарымыз көбейе береді деген сенімдемін.

Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз!

Н.ТАҢБАЕВ,
Маңғыстау аудандық қорғаныс істері жөніндегі бөлім бастығы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.