Тамызда білім және ауыл шаруашылығы мамандарына сұраныс артты

Тамыз айында Электрондық еңбек биржасында (бұдан әрі – ЭЕБ) жұмыс берушілер 128,6 мың бос жұмыс орнын, ал ізденушілер 105 мың түйіндемені орналастырды. Шілде айымен салыстырғанда бос орындар саны 30,6 мың бірлікке (+31%), ал түйіндеме – 11,7 мың бірлікке (+13%) өсті, деп хабарлайды mangystaumedia.kz сайты Еңбек және халықты әлеуметтік қорғау министрлігінің баспасөз қызметіне сілтеме жасап.

Ең көп бос жұмыс орындарын басқа қызмет түрлеріндегі кәсіпорындар (айына 10,2 мың немесе + 6% бос жұмыс орындары), негізгі және жалпы орта білім беретін мекемелер (айына 7 мың немесе +7%) және ауыл шаруашылығының (айына 6,1 мың немесе +24%) жұмыс берушілері орналастырды.

Тамыздағы сұраныстың 79%-ға өсуі білім беру саласының мамандарын қажет ететін ұйымдар есебінен болжамды және табиғи түрде қамтамасыз етілді.

Сонымен қатар еңбек нарығында ұсыныс жағынан да осындай жағдай байқалады. Осылайша, тамыз айында түйіндемелердің көпшілігі жоғары білікті ізденушілерден келді (58% немесе 60,7 мың түйіндеме), оның 46% - ы білім беру саласында жұмыс іздеушілерден болды.

Электрондық еңбек биржасында тапшы мамандар негізінен байланыс орталықтарының операторлары (орналастырылған бос орындар саны түйіндемелер санынан 6,9 мың бірлікке артық), математика мұғалімдері (1,7 мың бірлікке), сондай-ақ мектепке дейінгі білім берудегі тәрбиешінің көмекшілері (тиісінше 990 бірлікке). Сонымен қатар шет тілі мұғалімдерінің түйіндемелерінің саны, керісінше, ұқсас бос орындар санынан 1,6 мың бірлікке, қазақ тілі мен әдебиеті мұғалімдерінен 1,4 мың бірлікке, дене шынықтыру және спорт мұғалімдерінен 1,1 мың бірлікке артық.

Тамыз айында жұмыс берушілер қондырғылардың бастықтарына (орта есеппен 845 мың теңгеден бастап), өнеркәсіптегі ауысым бастықтарына (760 мың теңгеден бастап), сондай-ақ медициналық зертханалар меңгерушілерінің орынбасарларына (700 мың теңгеден бастап) ең жоғары жалақы мөлшерін ұсынды. Жоғары жалақы қалайтындар қатарында авиациялық диспетчерлер (5 млн теңгеден бастап), флоттағы штурмандар (1,5 млн теңгеден бастап), сондай-ақ жабдықтау басқармаларының басшылары (1,4 млн теңгеден бастап) болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.