Спортшыларға өмір бойы төленетін төлемдердің мөлшері қандай?

Мәдениет және спорт министрлігі спортшылар мен жаттықтырушыларға өмір бойы ай сайынғы материалдық көмек төлеу ережесін әзірледі, деп хабарлайды mangystaumedia.kz Zakon.kz сайтына сілтеме жасап.

Қаржылық қолдау келесі спортшылар мен жаттықтырушыларға төленеді:
Егер олар Қазақстан Республикасының азаматтары болса, дене шынықтыру және спорт саласында кемінде 20 жыл жұмыс өтілі болса, атап айтқанда:

Олимпиада, Паралимпиада және Сурдлимпиада ойындарының чемпиондары мен жүлдегерлері және олимпиадалық спорт түрлерінен әлем чемпиондары атағын жеңіп алған спортшылар;

жоғарыда аталған спортшыларды дайындаған жаттықтырушылар. Бір спортшының жаттығуы үшін бір жаттықтырушыға материалдық көмек төленеді.

Спортшы бірнеше рет жетістікке жеткен жағдайда басқа жаттықтырушыға да материалдық қолдау төленеді.

Материалдық қамтамасыз ету республикалық бюджет қаражаты есебінен дене шынықтыру және спорт саласындағы уәкілетті органның бюджеттік бағдарламалары арқылы төленеді.

Спортшылар мен жаттықтырушыларға өмір бойы ай сайынғы материалдық қолдау мынадай мөлшерде төленеді:

Олимпиа, Паралимпиада және Сурдлимпиада ойындарының чемпиондары мен жүлдегерлері және (немесе) олимпиадалық спорт түрлері бойынша әлем чемпиондары атағын жеңіп алған спортшыларға – 100 АЕК (2023 жылы 345 000 теңге);

Олимпиада, Паралимпиада және Сурдлимпиада ойындарының чемпиондары мен жүлдегерлері немесе олимпиадалық спорт түрлері бойынша әлем чемпиондары атағын жеңіп алған спортшыларды дайындаған жаттықтырушыларға - 100 АЕК.

Бұл ретте, бір мезгілде бірнеше негіздер бойынша материалдық қамтамасыз ету алуға құқығы бар спортшылар мен жаттықтырушыларға материалдық қамтамасыз ету негіздердің біреуі бойынша ғана ең жоғары мөлшерде төленеді.

Құжат 26 сәуірге дейін қоғамдық талқылауға ұсынылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.