Орталық коммуникациялар қызметінің сайтында ҚР Денсаулық сақтау министрлігі Санитарлық-эпидемиологиялық бақылау комитеті төрағасының орынбасары Зәуре Ахметова мәлім еткендей, барлық деңгейде халықпен түсіндіру жұмыстары жүргізілуде, вакцинациялау шаралары жалғасуда, деп хабарлайды mangystaumedia.kz сайты.
«Бүгінде қызылшаға қарсы жоспарлы егу және міндетті түрде алу керек 30 жасқа дейінгі тұлғаларды вакцинациялау жалғасуда. 18 жасқа дейінгі балаларды қайталап вакцинациялау жүргізілуде, егумен қамтудың шекті деңгейі 90 пайыздан кем болмауын ескере отырып, балаларды мектепке дейінгі мекемелерге қабылдау мониторингі жүргізілуде», - деді Зәуре Ахметова.
Оның айтуынша, қызылшамен ауырғандардың 65 пайыздан астамы 5 жасқа дейінгі балалар.
«Сондықтан қызылшаның одан әрі таралуына жол бермеу үшін 6 айдан 10 ай 29 күнге дейінгі балаларға қосымша жаппай егу енгізілді», - деді комитет өкілі.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
