Өзбекстанда 65 бала үндістандық Marion Biotech компаниясы шығарған күмәнді «Doc-1 Max» дәрісін қабылдағаннан кейін көз жұмған. Бұл туралы Өзбекстан Жоғарғы сотының өкілі Азиз Абидов қылмыстық іс бойынша айыптау қорытындысынан белгілі болғанын мәлімдеді, - деп хабарлайды mangystaumedia.kz orda.kz сайтына сілтеме жасап.
2023 жылдың басында Өзбекстан билігі аталған оқиғаны ресми түрде жариялады: Doc-1 Max дәрісін қабылдағаннан кейін 20-ға жуық бала қайтыс болды. Дегенмен, қосымша зерттеулер бұдан да өзге ақпараттарды анықтады. Өзбекстан Жоғарғы сотының мәліметінше, 65 бала сироптың құрбаны болған.
Өзбекстанның Мемлекеттік қауіпсіздік қызметі істі белсенді түрде тергеуге кірісті. Шенеуніктер, импорттаушы «Quramax Medical» компаниясы мен Дәрілік заттарды стандарттау ғылыми орталығының қызметкерлері ұсталды. Қауіпті препараттарды нарыққа дұрыс енгізбеген ұйымдар жауапқа тартылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
