Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
©
Кузбасста Кемероводағы «Зимняя вишня» сауда үйінде адамдардың қаза болуына орай аза тұту күндері басталды, деп хабарлайды Қазақпарат ТАСС агенттігіне сілтеме жасап.
«Аза тұту күндері 27 наурыздан 29 наурызға дейін созылады. Бұл туралы өкімге жергілікті губернатор Аман Төлеев қол қойды. Аза тұту күндері Кемерово облысы мен Ресей Федерациясының мемлекеттік тулары түсіріледі. Барлық телерадиокомпанияларға ойын-сауық бағдарламаларын тоқтату ұсынылды. Олар ерікті түрде жарнамаларды, қаралы күн сипатына сай келмейтін музыканы эфирден алып тастауда»,-деп хабарлады жергілікті әкімшіліктің баспасөз қызметінен.
Аза тұту күндері облыстағы муниципалды кинотеатрлар да жұмыс істемейді. Кузбасстан басқа Рязань облысы да қайғылы оқиғаға байланысты аза тұту күндерін жариялады.
Еске салайық, 25 наурыз күні Ресейдің Кемерово қаласында «Зимняя вишня» сауда үйінде өрт шығып, соңғы деректерге сәйкес 64 адам қаза тапты.
Мемлекет басшысы Нұрсұлтан Назарбаев Ресей Федерациясының Президенті Владимир Путинге көңіл айту жеделхатын жолдады.
ҚР СІМ-нің мәліметінше, өрттен көз жұмғандар арасында қазақстандықтар жоқ.
27 наурыз күні 13 баланың туыстары олардың мүрделерін танығандығы хабарланды.
Сурет ТАСС агенттігінен алынды
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.