Ағылшын тілі мен жаратылыстану пәндерінің білім фестивалі өтті

Ақтау қаласында Ш.Есенов атындағы Каспий мемлекеттік технологиялар және инжиниринг университетінде «English for Success» («Ағылшын тілімен жетістікке жету») жобасының аясында ағылшын тілі мен жаратылыстану пәндерінің білім фестивалі өтті. Британ Елшілігі жанын­дағы Британ Кеңесінің халықаралық ұйымы, Ұлыбританияның Лестер уни­верситеті, «Теңізшевройл» АҚ компаниясының қолдауымен іске асып отырған жоба Маңғыстау облысының Ақтау қаласы, Түп­қарған, Қарақия және Бейнеу ау­дандарының мектептерінде жүзеге асырылуда және биология, физика, химия және информатика пәндері мен ағылшын тілінен сабақ бере­тін мұғалімдерінің кәсіби деңге­йін ағылшын тілінде дамытуға ба­ғытталған. - Жобамыз жаратылыстану пәндерінің мұғалімдері мен ағыл­шын тілін оқытушыларға арнал­ған. Бағдарлама барысында олар Ақтаудағы төрт семинарға қа­тысып, сол семинарларда алған біліктіліктерін сабақтарда қол­данды. Жобаның тіл үйретуден басқа ерекшелігі – мұғалімдердің сабақты қалай жүргізу, оқушыны қалай сабақ оқуға ынталандыру керек екендігін көрсету, – дейді жоба менеджері Ардақ Бектұрова. Оның айтуы бойынша, бұл фес­тиваль – екі жылдық жобаның бірінші жылының қорытындысын шығаратын, өзіндік есеп беру іс­-шарасы. 2019 жылдың қаңтар айы­нан бастап Маңғыстау облысының 180 ағылшын тілі және жараты­лыстану пәні мұғалімдері оқы­тудың әр түрлі инновациялық әдістерін үйреніп, оларды сабақ­тарында          қолданды. Сондай-­ақ жоба аясында ғылыми тілдік ла­герьлер ұйымдастырылып, онда арнайы оқытылған тәжірибелі оқытушылар тобы ғылыми тәжі­рибелер арқылы 5–7 сынып оқу­шыларына терминологияны ағыл­шын тілінде жүргізіп, ағылшын тілінде қарым-­қатынас дағдыла­рын дамытуға ықпал жасады. - Жоба барысында мен оқу­шыларды белсенді оқу және жазу­ға дағдылайтын біліктілік пен 5Е (engage, explore, explain, elaborate, evaluate) технологиясын үйрендім. Сондай­ақ қазір сабақтарымда оқушылармен рөлдік ойындар ой­наймын. Балалар сабақтарда ой­най отырып, тақырыпты тез түсіне алады. Бұл әдістер, әсіресе рөлдік ойындар оқушыларыма қатты ұнады, – дейді жоба қатысушысы, Ақтау қаласы, №21 орта мектептің биология пәнінің мұғалімі Бексұл­тан Байрамов. Сонымен қатар көрмеге қаты­сушылар Macmillan Book баспа­сының байқаулары мен лотереяла­рына қатысып, сертификаттар мен естелік сыйлықтарға ие болды.

Арай ЖАУПЕРОВА