Маңғыстауда арнайы операция барысында қылмыстық топ құрықталды
[ 2019 ] 31 шілде, 08:05 | Жаңалықтар
30 шілде күні Ақтау қаласының қылмыстық істер жөніндегі мамандандырылған ауданаралық соты Маңғыстау аймағындағы қылмыстық топтың 8 мүшесі А. Айткалиев, Е. Арықбай, Ж. Жанбырбаев, Р. Жексенбаев, Е. Зорбай, Ж. Базарбаев, Д. Бимырза және С. Кенғановқа қатысты 2 ай мерзімге қамауға алу түріндегі бұлтартпау шарасын тағайындады, - деп хабарлайды mangystaumedia.kz сайты.
Ұлттық Қауіпсіздік Комитетінің мәлімдеуінше, тұрғылықты жері бойынша тінту шараларымен ұсталғандардан "ТТ" және "Макаров" пистолеттері, сөндіргіші бар револьвер, "Сайга" жүйесінің карабині, 3 травматикалық тапанша, 9 қысқа мылтық, және оларға 160-тан астам оқ-дәрілер мен есірткі құралдары, түрлі суық қару, сондай-ақ, 5,6 млн. теңге соманы құрайтын ақшалай қаражат табылып, тәркіленген.
29 шілдеде Ұлттық Қауіпсіздік Комитеті Ішкі істер Министрлігімен бірлесіп Маңғыстау облысында әрекет еткен қылмыстық топтарға қатысушылардың құқыққа қарсы іс-әрекеттерін кесу бойынша ірі ауқымды арнайы операция жүргізуді бастаған еді.
Махаббат НҰРЖАНҚЫЗЫ
1397
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
