Маңғыстауда 403 келі бекіре мен 3 келіден аса уылдырық тәркіленген
[ 2019 ] 11 сәуір, 07:03 | Жаңалықтар
Маңғыстауда «Бекіре» жедел алдын алу іс-шарасы кезінде 10 күннің ішінде 403 келі бекіре тұқымдас балық пен 3 келі 200 грамм болатын бекіренің уылдырығы тәркіленді. Бұл туралы mangystaumedia.kz сайтына МО полиция департаменті хабарлады.
"Табиғатты қорғау полициясының қызметкерлері «Бекіре» жедел-алдын алу іс-шарасы кезінде жалпы салмағы 403 келі құрайтын бекіре тұқымдас балық тәркіледі. Сондай-ақ балық уылдырығының 2 дерегі анықталды. Осы 2 дерек бойынша барлығы 3 келі 200 грамм бекіре тұқымдас балықтың уылдырығы алынды", - деп мәлімдеді МО полиция департаментінің баспасөз қызметі.
Аталған деректер ҚР ҚК-нің 339-бабы (сирек кездесетiн және құрып кету қаупi төнген жануарлармен заңсыз айналысу) бойынша 7 дерек анықталып, сотқа дейінгі тергеудің бірыңғай тізіліміне тіркелді. Сондай-ақ ӘҚБтК-нің 383-бабы (балық аулау және балық ресурстары мен басқа да су жануарларын қорғау қағидаларын бұзу) бойынша 53 әкімшілік хаттамалар толтырылған.
996
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
