Жаңаөзенде өндіріс аумағында арнайы техниканы өрт шалды
[ 2019 ] 29 наурыз, 12:04 | Жаңалықтар
Жаңаөзен қаласында "Өзенмұнайгаз" АҚ №1 Мұнай-газ өндіру басқармасының өндірістік аумағында өрт шықты. Өрт шалынған АСР арнайы техникасы жедел сөндірілген. Қаза болғандар мен зардап шеккендер жоқ, - деп хабарлайды mangystaumedia.kz сайты "Өзенмұнайгаз" АҚ компаниясына сілтеме жасап.
"2019 жылдың 29 наурыз күні сағат 09.25-те №1 Мұнай-газ өндіру басқармасы №4 тораптық шоғырланған сораптар станциясының өндірістік аумағында Мұнай дайындау және өндірістік қызмет көрсету басқармасына қарасты ілеспе құбырында тоспа орнатуға өрт жұмыстарын жүргізу кезінде өрт пайда болған. Нәтижесінде №2 скважиналарға қызмет көрсету басқармасының жөндеу жұмыстарына арналған АСР арнайы техникасын өрт шалған", - делінген хабарламада.
https://youtu.be/k6_IebCu7pI
Өртті «Өрт «Семсер – Өрт сөндіруші» ЖШС сөндірген. Жану аумағы - шамамен 10 шаршы метр. Ал АСР арнайы техниканы қалпына келтіруге болады. Өрт себебін анықтау үшін қызметтік тексеру жүргізіліп жатыр.
Ақкенже БЕРКЕНОВА
Сурет сайт архивінен
1104
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
