Маңғыстаулық боксшылар республикалық чемпионаттан жүлделі оралды
[ 2019 ] 27 ақпан, 09:24 | Жаңалықтар
Маңғыстаулық боксшылар Шымкент қаласында өткен Қазақстан Республикасының чемпионатынан 1 күміс, 1 қола жүлдемен оралды, - деп хабарлайды mangystaumedia.kz сайты.
Чемпионат 17-23 ақпан аралығында өтті. Еліміздің барлық өңірінен 198 спортшы қатысты. 75 келіде сынға түскен маңғыстаулық Жеңіс Нұрас күміс медальді иеленсе, 46 келі салмақта Жарас Томшабаев қола медальді алды.
«Чемпионат 2001-2002 жылдары туған жастар арасында өтті. Барлық команда жақсы дайындалған. Жарысқа Жарас Калимов екеуміз бапкер болып барғанбыз. Спортшыларымыздың тәжірибелері мен физикалық дайындықтарын арттыруымыз керек. Халықаралық турнирге де қатыстыруымыз қажет», - дейді Маңғыстау облысының «Досан батыр» бокс кешенінің жаттықтырушысы Дмитрий Середов.
«Турнир тартысты өтті. Рингке 4 рет шыққанмын. Оңайға соққан жоқ. Былтыр Ақтөбеде өткен республикалық чемпионаттан 1-ші орын иеленген едім. Алда болатын жарыстар өте көп. Дайындығымды күшейтпекпін», - дейді Жеңіс Нұрас.
Шымкент қаласында өткен ел чемпионатында Маңғыстау облысының намысын 10 спортшы қорғады. Бір аптаға созылған былғары қолғап шеберлерінің сайысында 19 командадан Маңғыстау облысы 11-ші орынға тұрақтады.
Ақкенже БЕРКЕНОВА
Суретті боксшы Жеңіс Нұрас ұсынды
991
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
