Маңғыстауда алғаш рет жүрек клапанына жаңа әдіспен ота жасалды
[ 2019 ] 25 ақпан, 13:46 | Жаңалықтар
Қазақстанның батыс өңірінде алғаш рет жүрек жұмысының жеткіліксіздігіне шалдыққан науқасқа Т -бейнелі министернотомия отасы жасалды. Отаны Маңғыстау облысының дәрігерлері жасады, - деп хабарлайды mangystaumedia.kz сайты.
Науқас 1977 жылы туған. Оған эндокордит инфекциясы, аорталдық клапанның бітелуі, аорталдық клапанның 3 деңгейінің жеткіліксіздігі және өкпе қысымының көтерілуі диагнозы қойылған.
«Отаны шұғыл түрде жасады. Оның аораталдық клапанын механикалық протезбен протездеді. Отаның күрделілігі - клапанға жетудің қиындығында. Өйткені клапан толығымен дерлік инфекцияның әсерінен бұзылған. Кардиохирург мамандар түтікті алып тастады. Егер ота қалыпты жағдайда жүргізілгенде, онда клапанның ойығы 25-30 см болар еді», - дейді Денсаулық сақтау басқармасының баспасөз қызметкері Азамат Сәрсенбаев.
Ота шағын ойықты пайдалану арқылы жасалғандықтан отадан кейінгі кезеңде науқастың өкпесін жасанды желдету уақыты азайып, қалыпты әдіспен салыстырғанда қан жоғалту төмендеді. Министернотомия – аорталдық клапаны бұзылған созылмалы аневризімді нәтижелі және қауіпсіз емдеу әдісі.
Қазір науқас өзін жақсы сезінетінін жеткізді дәрігерлер.
Басты сурет архивтен
814
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
