Ақтауда бір адамды ит талап өлтірді
[ 2019 ] 31 қаңтар, 13:46 | Жаңалықтар
Ақтауда "Орбита" гараж кооперативінің маңында үйсіз жүрген адамды иттер талап тастаған. Зардап шегуші ауруханаға жетпей қайтыс болған. Бұл оқиға 20 қаңтарда болыпты, - деп хабарлайды mangystaumedia.kz сайты.
Құзырлы органдардың айтуынша, бұл азамат тұрғылықты мекен-жайы жоқ (БОМЖ) кісі екен.
«Қабылдау бөліміне таңғы сағат 2-3 шамасында түсті. Оның денесінің сау тамтығы қалмаған, аяқ-қолын иттер тістеп тастаған. Көп қан жоғалтқандықтан ауруханаға жетпей қаза болды», - дейді Маңғыстау облыстық Денсаулық сақтау басқармасының баспасөз хатшысы Азамат Сәрсенбаев.
Осы жағдайға байланысты Ақтау қалалық полиция басқармасының кезекші бөліміне сағат 04.26-да қоңырау түскен.
МО Полиция департаментінің мәлімдеуінше, алдын ала болжам бойынша ер азамат күзетілетін жеке аумаққа кірген. Əзірге тұлғаның кім екені анықталмаған. Аталған іс сотқа дейінгі тергеп-тексеру тізімінде тіркелді. Мән-жай анықталып жатыр.
Ақкенже БЕРКЕНОВА
Көрнекі сурет сайт архивінен
1026
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
